كم درجة النجاح في اختبار الهيئة للتمريض؟
درجة النجاح 500 على مقياس من 200 إلى 800. حددتها لجنة من ممرضين سعوديين، واعتمدتها اللجنة المركزية للتقييم في الهيئة.
الدرجة مقاسة (Scaled score)، يعني ما هي عدد إجاباتك الصح ولا نسبة مئوية. فلا تعتمد على أي تحويل تشوفه يقول «500 تساوي كذا بالمية»، لأن دليل الهيئة ما فيه تحويل زي كذا.
متى تطلع نتيجة اختبار الهيئة؟
النتيجة ما تطلع على طول. تعلنها الهيئة خلال 2 إلى 6 أسابيع بعد نهاية فترة الاختبار (مو بعد يوم اختبارك أنت)، بعد ما تخلص الهيئة التحليل الإحصائي للأسئلة.
ويوصلك شيئين: بيان النتيجة، وتقرير أداء (Feedback report) يقارن أداءك بباقي المختبرين.
كيف تستفيد من تقرير الأداء؟
- شوف أضعف محور عندك، وقارنه بوزنه في الاختبار. الضعف في البالغين (40%) يؤثر أكثر بكثير من الضعف في الإدارة (10%).
- ابنِ خطتك الجاية على الضعف هذا أول، بدال ما تعيد كل شي من الصفر.
- تدرب على اختبار كامل بنفس الوقت الحقيقي (جزأين، كل جزء 105 سؤال في 120 دقيقة) عشان تعرف إذا المشكلة معلومات ولا وقت.
كم مرة أقدر أختبر؟
- تقدر تختبر لين 4 مرات في السنة، تبدأ من أول محاولة لين تنجح.
- ما ينفع تختبر مرتين في نفس فترة الاختبار. لو سويتها، الهيئة تعلن نتيجة المحاولة الأولى، والثانية تضيع عليك ونتيجتها ملغية.
- اللي ما ينجح لمدة سنتين من تاريخ تخرجه، تطبّق عليه الهيئة قواعد التصنيف والتسجيل. فراجعها في موقع الهيئة لو كنت قريب من المدة هذي.
- بعد ما تنجح، لك محاولتين زيادة تحسّن فيها درجتك عشان مفاضلة الزمالة (Residency). وبعدها محاولة وحدة في السنة، بعد سنة كاملة من ثاني محاولة.
ما نجحت؟ وش تسوي الحين
- لا تحجز في نفس الفترة
المحاولة الثانية في نفس فترة الاختبار تضيع عليك ونتيجتها ملغية.
- اقرأ تقرير الأداء بهدوء
حدد أضعف محورين، ورتّبهم حسب وزنهم في الاختبار.
- حط خطة على الوقت الباقي
استخدم خطة المذاكرة وابدأ بالمحاور الأثقل اللي ضعفت فيها.
- تدرب على اختبارات كاملة
اختبار محاكي بنفس توقيت الحقيقي كل أسبوع، وراجع أخطائك بعده.
المصدر: دليل المتقدم لاختبار SNLE من الهيئة السعودية للتخصصات الصحية. المعلومات محدثة بتاريخ 26 أكتوبر 2026، والمرجع الأخير دايم موقع الهيئة.
تبي تتدرب على آلاف الأسئلة بنفس النمط؟
بنك أسئلة مرتب على محاور الاختبار، وتجميعات بالشهر، وشرح عربي لكل سؤال، وخطة يومية تمشي على تاريخ اختبارك. جرّب ببلاش قبل ما تشترك.
ابدأ التجربة المجانية