تبي تزيد دخلك؟ حيّاك شريك معنا
شارك رابطك أو كودك مع متابعينك، وخذ عمولة على كل اشتراك جديد. تبدأ بـ 10%، وكل ما زادت مبيعاتك ترتفع نسبتك تلقائيًا لين توصل 35%.
كل ما بعت أكثر… نسبتك ترتفع
الترقية تلقائية، ومستواك ما ينزل أبدًا.
ثلاث خطوات وتبدأ
من التسجيل لأول عمولة.
سجّل بياناتك
حساباتك في السوشل ميديا، وبيانات التحويل. نراجع طلبك ونرد عليك بالإيميل.
خذ رابطك وكودك
رابط خاص فيك، وكود خصم لمتابعينك. الاثنين يتتبعون مبيعاتك بدقة.
شارك وتابع أرباحك
من لوحتك الخاصة تشوف كل مبيعة ومستواك ورصيدك والتحويلات أول بأول.
احسب دخلك المتوقع
حرّك المؤشر وشوف كيف ترتفع نسبتك مع الوقت.
حساب تقديري للتوضيح فقط. الدخل الفعلي يعتمد على مبيعاتك المؤكدة.
ليش شركاء بصمة؟
منتج يبيع نفسه
بنك أسئلة الهيئة، ودورات متخصصة مثل ECG والأدوية، وتجربة مجانية تقنع العميل قبل ما يدفع.
كودك يعطي خصم
متابعينك ياخذون خصم 10% بكودك، وأنت تاخذ عمولتك كاملة.
حقك محفوظ
أول شريك يوصّل العميل هو صاحب العمولة، وما أحد يقدر ياخذها منه.
لوحة خاصة فيك
مبيعاتك، ومستواك، وكم باقي على الترقية، ورصيدك، كلها قدامك لحظة بلحظة.
تحويل كل خميس
كل خميس نحوّل الأرصدة اللي وصلت 100 ريال، ويوصلك إيصال التحويل في لوحتك. وإذا رصيدك أقل، يترحّل للخميس اللي بعده.
مواد جاهزة للنشر
بوستات وستوريات وسكربتات فيديو جاهزة عن بصمة وفايدتها لطالب التمريض، وتتحدث مع كل ميزة جديدة.
مين يقدر يشارك؟
أي شخص عنده 1,000 متابع أو أكثر في منصة وحدة على الأقل: تيك توك، سناب، إنستقرام، إكس، يوتيوب وغيرها. والأنسب لك إذا متابعينك طلاب تمريض أو ممرضين أو مهتمين بالمجال الصحي.
أرقام البرنامج
أرقام حقيقية من البرنامج، تتحدث تلقائيًا.
أسئلة متكررة
متى تنحسب عمولتي؟
تنحسب المبيعة أول ما يدفع العميل، وتظهر لك «قيد التأكيد». بعد 14 يوم تتأكد وتنضاف لرصيدك، وهذي الفترة عشان نتأكد إن الطلب سليم وما انسحب.
متى يجيني التحويل؟
كل يوم خميس. أي عمولة تتأكد قبل بداية الخميس تدخل تحويل ذاك الخميس إذا وصل رصيدك 100 ريال أو أكثر. وإذا أقل، يترحّل للخميس اللي بعده لين يوصل. وإيصال كل تحويل يظهر في لوحتك.
كيف ترتفع نسبتي؟
تلقائيًا. أول ما يوصل عدد مبيعاتك المؤكدة للرقم المطلوب، كل مبيعة بعدها تنحسب بالنسبة الجديدة. ومستواك ما ينزل أبدًا.
لو العميل دخل من رابطي واستخدم كودي بعد؟
تنحسب لك عمولة وحدة على الطلب، والخصم يتطبق مرة وحدة. كل طلب له عمولة وحدة بس، مهما كانت الطريقة اللي وصل فيها.
لو العميل جا من رابطي واستخدم كود شريك ثاني؟
أول شريك يوصّل العميل هو صاحب العمولة. فالعمولة لك، والعميل ياخذ خصم الكود اللي كتبه، والشريك الثاني ما ياخذ شي.
هل تنحسب لي عمولة على التجديد؟
العمولة على أول اشتراك يدفعه العميل الجديد.
أقدر أشترك من رابطي أو كودي؟
لا. الشراء لنفسك ما ينحسب عمولة.
هل أشوف بيانات العملاء؟
لا. حفاظًا على خصوصيتهم تشوف رقم الطلب وتاريخه وعمولتك بس.
وش أقدر أنشر؟
في لوحتك مواد جاهزة: بوستات وستوريات وسكربتات فيديو، وتنضاف مواد جديدة مع كل تحديث للمنصة. ممنوع نشر أسئلة المنصة أو محتواها أو تصوير شاشتها، وممنوع الوعد بنجاح مضمون.
هل أحتاج رخصة؟
إذا كان محتواك إعلانيًا، أنظمة الإعلان في السعودية تطلب من الأفراد ترخيص «موثوق». الالتزام بالأنظمة مسؤولية الشريك.
كم ياخذ قبول طلبي؟
نراجع الطلبات خلال يومين عمل غالبًا، ويوصلك الرد على إيميلك.